Жаңалықтарды Telegram арнамыздан оқыңыз!Елорда маңында аса ірі көлемде синтетикалық есірткі жасырмақ болған ер адам ұсталды. Ол Қарағанды тас жолының шетінде патрульдік полицияның кезекшілік кезінде құрықталды. Тексеру кезінде ағаш түбінен салмағы 1,25 келіден асатын пакетте қапталған есірткі табылды. Тәртіп сақшыларының айтуынша, 6 мыңнан астам бір реттік дозаның қара нарықтағы құны шамамен 25 млн теңге. 27 жастағы Алматы қаласының тұрғыны есірткіні елордада сатпақ болған. Тергеу жүріп жатыр. Айта кетейік, жыл басынан бас қаланың аумағында заңсыз айналымнан 30 келіден астам синтетикалық есірткі тәркіленген.
