Алматыдағы «Алтын Орда» базарында 1 млрд теңгенің салығы төленбеген

Ведомства өкілінің айтуынша, қазір Қазақстанда 114 сауда базары тексерілуде. «Алтын Ордаға» жүргізілген жедел тексеру жұмыстары аясында, көп заң бұзушылықтар анықталған. Салық салынатын базаны төмендетіп көрсету фактілері көп. Бақылау-кассалық аппараттары жоқ. Сондай-ақ, фитосанитарлық және ветеринарлық нормалар да бұзылған. Енді министрлік сауданы ұйымдастыру бойынша, базар иелеріне жеке жауапкершілік жүктеуді жоспарлап отыр. Сондай-ақ отандық тауар өндірушілерге басымдық беріп, олардың сауда орындарына еркін қол жеткізуіне жағдай жасауды міндеттемек.

Биыл наурыз айының басында, мегаполисті 80% көкөніс, жеміс-жидек және етпен қамтамасыз ететін «Алтын Орда» базарында делдалдық схемаларды анықтау бойынша өңіраралық комиссия жұмысын бастаған еді.