Солтүстік Қазақстан облысында мал қырылып жатыр

Солтүстік Қазақстан облысы Тимирязев ауданындағы шаруашылықтардың бірінде мал қырылып жатыр.

Эльмира Каленова, тілші:
Алынған сараптама нәтижесі жұқпаның «ринотрахеит» ауруы екенін көрсетті. Фермердің айтуынша, індетке шалдыққан малдың алдымен дене қызуы көтеріліп, сілекейі ағады, жем-шөп жемей, тұяғы іріңдейді. Жасалған ем нәтиже бермеген. «Сидельников» фермерлік шаруашылығында шектеу шаралары енгізілді. Төрт түлікке жұқпаға қарсы екпе салынады.

Берік Әлжанов, облыстық ветеринария басқармасының басшысы:
Шектеудің ережесі бойынша, бұл шаруашылықтан тірі жануарларды, олардың өнімдерін, сондай-ақ азықтарды шығаруға, әкелуге тыйым салынады. Шектеу соңғы ауру мал сауыққаннан кейін 30 күннен соң алынады.

Эльмира Каленова, тілші:
Жалпы 20 күн ішінде ауданда 15 бас қара мал қырылды. Мамандар аталған дерт тез таралғанымен, адамға жұқпайтынын айтты.

Эльмира Каленова