Қасым-Жомарт Тоқаев Шавкат Мирзиёевпен телефон арқылы сөйлесті

Мемлекет басшысы Қасым-Жомарт Тоқаев Өзбекстан Президенті Шавкат Мирзиёевпен телефон арқылы сөйлесті. Бауырлас елдер арасындағы стратегиялық серіктестікті дамытудың және аймақтық кооперацияны кеңейтудің перспективаларын талқылады.

Тараптар өзбек көшбасшысының былтыр желтоқсанда Қазақстанға сапары барысында қол қойылған уағдаластықтарды тиімді жүзеге асыру жөнінде де пікір алмасты.

Әңгімелесу соңында президенттер бір-бірін қасиетті Рамазан айының басталуымен құттықтады.