Астанада фельдшер қазасына қатысты сот отырысы жалғасты

Астанада фельдшер Ұлдана Мырзуанның қазасына қатысты кезекті сот отырысы басталды. Жоғарғы сот отырыс барысын тікелей эфирде таратып жатыр. Сотта айыпталушы ретінде мүлік иелері бірлестігінің төрағасы жауап беріп жатыр. Ол өз кінәсін мойындамады. Еске салайық, қайғылы оқиға 2025 жылдың 8 қарашасында болды. Тәуелсіздік даңғылындағы тоғыз қабатты үйдің қасбеті құлап, бес адам зардап шеккен. Сол сәтте көмекке бірінші болып ұмтылған 23 жастағы жедел жәрдем фельдшері Ұлдананың үстіне кірпіштер мен кондиционердің бекітпесі құлап, ол 10 күннен кейін ауруханада көз жұмды.