Алматыда этнограф Бағдат Мүптекеқызының «Қыран» атты кітап-альбомы таныстырылды

Алматыда журналист, этнограф Бағдат Мүптекеқызының «Қыран» атты кітап-альбомы таныстырылды. Автордың айтуынша, еңбекте бұрын-соңды жарық көрмеген құсбегілердің өмір-деректері келтірілген. Сондай-ақ текті өнердің кешегісі мен бүгінгі жай-күйі баяндалады. Кітаптың ерекшелігі - саятшылық өнеріне қатысты құнды деректердің мазмұнды, көркем фотосуреттермен безендірілуі. Автордың сөзінше, кітап-альбом сұлулық пен талғамды ұштастыра білген құсбегілердің тарихы туралы жан-жақты әрі қызықты ақпараттарға толы.

Бағдат Мүптекеқызы, журналист, этнограф:

Біздің тәуелсіздік жылдары құсбегілік тарихы зерттеліп бір ізге түспей тұрған бір үлкен саланың бірі. Тек қана Қазақстан емес, Моңғолия, Қытай елдерінде біздің қазақтың құсбегілігімен айналысып жүрген өзіміздің құсбегілердің өмірі, тарихы тілге тиек етіледі.