Жаңалықтарды Telegram арнамыздан оқыңыз!Ұлттық құрама жаттықтырушылары мен спортшыларының жалақылары көтеріледі. Бұл туралы Спорт және дене шынықтыру комитетінің өкілдері паралимпиада ойындарында спортшыларымыздың жеткен жетістіктерін қорытындылаған кезде хабарлады. Еске салайық, Бейжіңдегі ақ додада парабиатлоншы Александр Герлиц 10 шақырым қашықтықта үздік үштікке еніп, қола медаліне қол жеткізді. Сөйтіп, Ұлттық құрамамыз 53 мемлекеттің арасында командалық есепте 17 орынға тұрақтады. Сала мамандары олжалы оралған Ұлттық құрамаға мемлекеттік қолдаудың еселене түсетінін айтты.
Самат Ерғалиев, ҚР Мәдениет және спорт министрлігінің комитет төрағасы:
Бейжіңдегі Паралимпиада ойындарының нәтижесі бойынша спортшылар мен жаттықтырушыларға Үкімет тарапынан жалпы сомасы 131 миллион теңге және дене шынықтыру мен спорт туралы Заңға сәйкес Александр Герлицке Солтүстік Қазақстан облысы әкімдігі тарапынан бір бөлмелі пәтер беріледі.
