Шығыс Қазақстанда 108 елдімекенді су басу қаупі бар

Ал Шығыста күн күрт жылынып кететін болса, 108 елдімекенді су басуы мүмкін. Әсіресе Алтай, Қотанқарағай, Көкпекті сияқты таулы аудандардағы кейбір елдімекендерде жағдай қиын. Сондықтан өңірдегі барлық коммуналдық мекеме, ертеңнен бастап күшейтілген жұмыс тәртібіне көшіріледі. Бүгінге дейін 200 шақырымдай арық пен 213 көпір қардан тазаланды. Өзендердің жағасы бекітіліп, қосымша бөгеттер салынып жатыр. Өңірдегі 12 ірі су қоймасына апта сайын мониторинг жүргізіледі.

Дина Бексұлтанова, облыстық ТЖД бөлім басшысы:

Яғни біздің облыста қардың қалыңдығы 7 сантиметрден 77 сантиметрге дейін. Ал топырақтың қатуы кейбір аудандарда 150 сантиметрге дейін жетеді. Бірақ су тасқынының жағдайы үнемі мониторингпен бақылауда.