Семейде ойын-сауық орталығы өртенді

Семейде «Bala park» ойын-сауық орталығы өртенді. Оқыс оқиға кеше кешке болған. Қызыл жалын тұтанғанда онда болған адамдар сыртқа шығып үлгерген. Орталық отбасылық, әсіресе балалардың демалысына лайықталған қаладағы ең үлкен ғимараттың бірі. Түрлі атракциондар мен кафе орналасқан. Адамдар аман. 11  тұрғын медициналық көмекке жүгінген. Оның төртеуі бала. Төрт адам ауруханада ем алып жатыр. Жағдайлары тұрақты. Қатты оттан ғимарат шатырының бір бөлігі опырылған. Шығын көлемі есептеліп жатыр. Өрттің шығу себептері  де анықталуда.