Жаңалықтарды Telegram арнамыздан оқыңыз!Ресейде коронавирусты анықтайтын детектор шығарылды. Жаңа құрылғы ресми түрде тіркелді. Сонымен қатар, дәрігерлер бесінші толқын шарықтау шегіне жеткенін мәлімдеді. Іргелес елде коронавирусқа қарсы екпені халықтың 60 пайызға жуығы салды. Кей өңірлерде ұжымдық иммунитет 100 пайызға жеткен. Мамандар жазға дейін маска тағу, әлеуметтік қашықтықты сақтау сыңайлы шектеулер алынып тастауы мүмкін, дейді. Ал Гамалея атындағы ғылыми-зерттеу орталығының мамандары жуырда коронавирусқа қарсы жаңа вакцина шығарылатынын хабарлады. Ол вакцина «ухань», «дельта» және «омикрон» штамдарына қарсы тұра алады. Сынақ кезеңіне 600 адам қатыспақ.
