Жаңалықтарды Telegram арнамыздан оқыңыз!Қызылордада «қаңтар оқиғасы» бойынша мыңға жуық адам тергеуге алынған. Соның 103-іне қылмысқа қатысы бар деген күдікпен түрлі айып тағылып отыр. Дәл қазір өңірдегі тілшіміз прокуратураның соңғы мәліметтерін тікелей эфирде баяндауға әзір.
Әділбек Серікұлы, тілші:
Қазір жаппай тәртіпсіздікке қатысты барлығы 72 қылмыстық іс қаралуда. Соның ішінде терроризм актісімен 5, адам өлтіру дерегімен екі ауыр айып тағылған. Қылмысқа барғандардан 6 атыс қаруы, 63 оқ тәркіленді. Соттың санкциясымен 103 күдіктінің 63-і қамауға алынды. Денсаулығы мен отбасылық жағдайына байланысты 40 адамға бұлтартпау шарасы қолданылған. Сондай-ақ, ұсталғандардың арыз-шағымына сәйкес полиция қызметкерлерінің де теріс іс-әрекеттері тексерілуде.
Мақсат Қазиев, облыс прокурорының бірінші орынбасары:
Жеткізілгендер мен ұсталғандарға қатысты тергеудің рұқсат етілмеген әдістерін қолдану бойынша уәждерін тексеру мақсатында Сыбайлас жемқорлыққа қарсы қызметімен 12 іс тергелуде. Аталған фактілерге жол бермеу бағытында тәуліктік кезекші прокурорлармен қамтамасыз етілді.
Әділбек Серікұлы, тілші:
Сондай-ақ, прокурорлардың араласуымен 18 күдікті тергеу иззоляторынан үй қамаққа ауыстырылған. Ал бір адамның қаңтар оқиғасына қатысы жоқ екені дәлелденіп, уақытша ұстау изоляторынан босатылды.
Әділбек Серікұлы
