Бүгін конькимен жүгіруден ел намысын қорғаған Екатерина Айдова мен Надежда Морозова 1500 метр қашықтықта жарыс жолына шықты. Әлем чемпионатының қола жүлдегері Евгения Лаленковамен бір жұпта өнер көрсеткен Айдова 1 минут 59 секунд нәтижесімен 18-орын алды. Ал Надежда Морозова мәреге 1 минут 56 секундта келіп, 14-орынға ие болды. Ал осы жарыста төртжылдықтың чемпионы атанған нидерландтық Ирен Вуст Олимпиада рекордын жаңартты. Дегенмен жерлестеріміздің әлі де жүлде үшін таласуға мүмкіндіктері бар. Екатерина Айдова 12-ақпан күні 500 метр қашықтықта жарыс жолына шығады. 15-ақпан күні қос спортшымыз да 1000 метр қашықтықта өнер көрсетеді.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Бейжің-2022: Айдова мен Морозова жүлдеге ілікпеді&mh_tags=Qazaqstan&mh_page=https://qazaqstan.tv/news/152629/)