Жаңалықтарды Telegram арнамыздан оқыңыз!Алматы қаласында 33 сот сарапшысы қаңтар айындағы оқиғалар кезіндегі тәртіпсіздік пен тонау жағдайларын тергеу аясында жұмыс істеп жатыр.
Сараптаманы 19 жергілікті және басқа өңірлерден іссапарға жіберілген 14 маман жүргізіп жатыр. Осылайша, сот сарапшыларының жүктемесі қалыпты шегінде, қағазбастылыққа салыну және жұмыс мерзімін кешіктіру жағдайлары жоқ.
Алматы қаласында 5 бағыт бойынша, атап айтсақ, құрылыс, тауартану, өрт техникалық, баллистикалық және экономикалық сараптамалар жүргізілуде.
Премьер-Министр Әлихан Смайыловтың тапсырмасы бойынша жедел тергеу мақсатында Әділет министрлігі 68 сот сарапшысынан тұратын қосымша резерв құрды, олардың көпшілігі экономикалық сараптамаға маманданған.
2021 жылғы 31 қаңтардан бастап резервтегі мамандардың бір бөлігі өңірге жіберіледі. Қалғандары тиісті органдардың сот сараптамасын тағайындауына қарай жұмысқа тартылады.
Үкіметтің Баспасөз қызметі мұндай сараптамалық жұмыс Шымкент қаласы мен Жамбыл, Қызылорда, Алматы, Ақтөбе, Шығыс Қазақстан облыстарында да жүргізіліп жатқанын атап өтті.
