Ақмола облысында жолда қалған 50 адам құтқарылды

Ақмола облысында боранның кесірінен жолда қалған 50 шақты адам құтқарылды. Жақсы, Зеренді, Атбасар және Бурабай ауданында тұрғындар ауа райының қолайсыздығына қарамастан жолға шығып кеткен. Құтқарылған жолаушылардың бәрі дін аман, арасында 2 бала бар. Олар жылу бекеттеріне орналастырылды. Кеше қатты боран болып, өңірдегі барлық жолдарда қозғалыс тоқтатылған еді. Қазір облыстағы жолдар түгел ашылды.

Сондай-ақ, Есіл ауданында боранда жоғалып кеткен балықшы табылды. 

Қостанай облысында да жолда қалған 23 адам аман-есен құтқарылды. Олардың төртеуі - кәмелет жасына толмаған балалар. Далада қалғандарға 5 арнайы көлікпен жабдықталған 12 құтқарушы көмектесті. Бүгін таң ата боран басылды, қазір күре жолдар біртіндеп ашылып жатыр.

Ермек Елберген