Сыр өңірінде көпбалалы отбасылар баспаналы болды - «Qazaqstan» Ұлттық телеарнасы

Сыр өңірінде көпбалалы отбасылар баспаналы болды

30.12.2021

Сыр өңірінде жаңа жыл қарсаңында баспана тауқыметін көріп келген көпбалалы және тұрмысы төмен 40 отбасы баспаналы болды. Қармақшы ауданында 10 пәтерлік тұрғын үй берілсе, ал Жалағашта 30 жанұя қоныс тойын тойлады. Ауылды жерден берілген баспаналар толықтай инфрақұрылымдық жүйеге қосылған.

Семейліктер де бүгін жаңа жыл қарсаңында қоныс тойын тойлап жатыр. Қаладағы «Қарағайлы» ықшам ауданында салынған көпқабатты тұрғын үйден 25 отбасына пәтер кілттері табысталды. Жаңа қонысқа көп балалы жанұялар мен мүмкіндігі шектеулі бала тәрбиелеп отырған отбасылар ие болды. Биыл бір жылдың ішінде қалада 400 шаңырақ мемлекеттік бағдарламалар аясында үйлі болған.

Сейілхан Сейсебаев, Семей қаласының тұрғыны:

Бүгін «Бақытты отбасы» шеңберінде мемлекеттік бағдарлама бойынша үй алып жатырмыз. Оншақты жыл болды. Үйдің кезегінде тұрғанбыз. Сонымен міне қуанышты болып жатырмыз. Абай арена жанында. Назарбаев зияткерлік мектебі бар. Үлкен балабақшасы бар. Тағы салынып жатыр.

Ержан Жақып


Хабарламаларға жазылу