Қалибек Қуанышбаев атындағы театрда қос қуаныш тойланды

Нұр-Сұлтан қаласында Қалибек Қуанышбаев атындағы академиялық қазақ драма театрының 30 жылдығы атап өтілді. Айтулы датаға орай өнер ордасында қызыл кілем төселіп, сала майталмандарына құрмет көрсетілді.

Театрда қос қуаныш тойланды. Мерейтой Тәуелсіздіктің 30 жылдығымен тұспа-тұс келіп отыр. Сонымен қатар, театрдың негізін қалаған Жақып Омаровтың туғанына - 80 жыл. Салтанатты «Қызыл кілем» шеруіне елдің түкпір-түкпірінен өнер өкілдері жиналды.