Зейнетақы жинақтарының шекті мөлшерін көтеру мерзімі кейінге шегеріледі

Зейнетақы жинақтарының шекті мөлшерін көтеру мерзімі кейінге шегеріледі. Бүгін Мемлекет басшысы Қасым-Жомарт Тоқаев Үкіметке тиісті тапсырма берді. Бұл туралы Ақорданың баспасөз хатшысы хабарлады. "Шекті меже келесі жылдан бастап ең төменгі жалақының өсуіне байланысты көтеріледі. Зейнетақы жүйесінің негізгі міндеті - азаматтарды зейнетке шыққаннан кейін қажетті жеткілікті табыспен қамтамасыз ету. Сондықтан зейнетақы жинақтарының шекті межесін көтеру жөніндегі шешім - негізінен дұрыс қадам. Бірақ, зейнетақы қорындағы қаржысын пайдаланып үлгермеген азаматтарды қолдап, Үкіметке бұрынғы шекті межені көтеру мерзімін 2022 жылдың 1 сәуіріне дейін ұзартуды тапсырды" – делінген жазбада.