«Kcell»-дің бұрынғы қаржы директоры 450 млн теңге жымқырып, букмекерлік кеңседе ұтылған

«Kcell» компаниясының бұрынғы қаржы директоры 450 млн теңге жымқырып, ол қаржыны букмекерлік кеңседе ұтысқа тігіп жіберген. Бұл туралы Қаржы мониторингі агенттігінің өкілдері мәлімдеді.

Яғни, күдікті 2018 жылы ақпанда және 2021 жылы сәуірде Алматыда жалған құжаттар жасау арқылы 258 млн теңгені 5 компанияның есепшотына аударған. Мұнан бөлек өз есеп шотына құю арқылы 192 млн қаражат жымқырған. Қазір бұл іске қатысты тергеу жүріп жатыр.