Үкіметте өңдеу өнеркәсібін дамыту мәселелері қаралды

Биыл өңдеу өнеркәсібі 5,3 пайызға өскен. Ал салаға құйылған инвестиция 78 пайызға яғни 1 триллион 200 миллиард теңгеге дейін көбейіп отыр. Бүгін Үкіметте өнеркәсіпті дамыту мәселелері қаралған болатын. Премьер-министрдің айтуынша қазір сала жанданып келеді. Әсіресе фармацевтикада, машина жасауда, құрылыс материалдары өндірісінде және азық-түлік өнімдері өндірісінде айтарлықтай алға жылжу бар. Алдағы уақытта тағы ондаған жоба іске қосылмақ. Бұл өңдеу өнеркәсібін дамытып қана қоймай, жаңа жұмыс орындарын ашуға мүмкіндік бермек.

Асқар Мамин, ҚР Премьер-Министрі:

Индустрияландыру картасының шеңберінде тамақ өнеркәсібінде, құрылыста, машина жасауда, металлургияда және басқа салаларында жалпы соммасы 1,3 трлн тг барлығы 139 индустриялдық жобаны іске қосу жоспарланған. 12,7 мың жаңа жұмыс орны құрылады.