Жаңалықтарды Telegram арнамыздан оқыңыз!Шығыс Қазақстандағы Қарауыл ауылында Абай Құнанбайұлына қос бірдей ескерткіш ашылды. Мүсіннің бірі ақын атымен аталатын кәсіптік лицейдің кіре берісіне орнатылды. Ұлы ақынға арналған тағы бір бюст Абай атындағы мамандандырылған мектеп гимназиясының алдына қойылды. Туынды авторы Қытай Халық Республикасының атақты мүсіншісі Юань Сикунь. Сыйға тартылған қола мүсін екі елдің арасындағы достық қарым-қатынастың беріктігінің белгісі әрі ұлы ақынға деген Қытай халқының тағзымы, дейді Абай жұртшылығы.
Төлеген Жанғалиев, ақын:
Бұл деген үлкен нәрсе. Яғни екі миллиардтан астам халқы бар мемлекеттің Абайға деген тағзымы. Табынуға емес, тануға басталған шаруа дүниежүзінде басталды деп ойлаймыз. Ескерткіш қайырлы болсын!
