Премьер-Министр ЕО елшілерімен жиын өткізді

Премьер-министр Асқар Мамин Қазақстанның Еуропалық Одақпен инвестициялық ынтымақтастығы бойынша диалогтың 8-ші отырысын өткізді. Оған одақ елшілері мен түрлі компания басшылары және Үкімет мүшелері қатысты. Жиында «Жасыл экономиканы» дамыту, Арал маңының шөлейттенуіне қарсы күрес, орман қорын кеңейту, өңдеу өнеркәсібін дамыту және Еуро Одақтың «Фермадан үстелге» стратегиясының орнықты агробизнес стандарттарын қолдану мәселелері талқыланды.

Премьер-министр ауқымды міндеттерді іске асыру үшін сауда-экономикалық және инвестициялық ынтымақтастық бағытында ашық диалог жүргізуді жалғастыру керек деді.

Досжан Маратұлы