Жаңалықтарды Telegram арнамыздан оқыңыз!Телеарналар балаларға арналған контентке эфир уақытының кем дегенде екі сағатын бөлуі керек. Мемлекет басшысының төрағалығымен өткен Қазақстан халқы Ассамблеясының кеңейтілген жиынында осындай ұсыныс айтылды.
Бүгінде «BALAPAN» телеарнасы аналар кеңесімен бірлесіп, әлеуметтік танымдық роликтер арқылы халқымыздың тарихы мен мәдениетін танытатын анимациялық жобалар жасауды жоспарлап отыр. Ал 9-18 жасқа дейінгі балалар көретін арна жоқ. Сондықтан оларға арнайы уақыт бөлу қажет. Жастар арасында ел тарихы туралы
«Tik-Tok» жоба жасау жайлы да айтылды. Президент кеңесте көтерілген ұсыныстарға қолдау білдірді.
Қасым-Жомарт Тоқаев, Қазақстан Республикасының Президенті:Сіз балаларды, өнерге, мәдениетке тартуға қатысты өте қызықты ұсыныс айттыңыз. Мен бұл ұсынысты қолдаймын жән облыс әкімдеріне де үндеймін. Шынымен де балалардың халық театрларын ашқан сияқты мұндай жұмысты бастап көрейік те. Балаларымыздың арасында таланттылар өте көп. Өлкеміздің тарихы бойынша Tik-Tok жоба құруға қатысты ұсынысты қолдаймын. Шындығында,бұл өте жақсы жоба.
