Жаңалықтарды Telegram арнамыздан оқыңыз!Футзалдан 2022 жылғы Еуропа чемпионатында бақ сынасатын Қазақстан құрамасының қарсыластары анықталды. Нидерландыда өткен жеребе тарту нәтижесі бойынша, ұлттық құрама "Б" тобында өнер көрсетеді. Қарсыластарымыз - Италия, Словения және Финляндия.
Футзалшыларымыз 20 қаңтарда Словениямен кездеседі. 24 қаңтарда Финляндиямен ойнаса, 28 қаңтарда Италиямен шеберлік байқасады. Құрлықтық дода келесі жылдың 19 қаңтары мен 6 ақпаны аралығында Нидерландының Амстердам және Гронинген қалаларында өтеді. Барлығы - 16 құрама сынға түседі.
Қазақстан футзалшылары Еуропа чемпионатына 2016 жылы алғаш рет қатысты. Ал биылғы әлем чемпионатында төртінші орын алды.
