Грекияның Крит аралында қуаты 6,3 баллдық жер сілкінісі болды

Зілзала ошағы теңіз түбінде 2 шақырым тереңдікте анықталған. Бірінен кейін бірі 3 дүмпу болды. Табиғи апат кезінде ауылдардың бірінде ғибадатхана құлап, өзге де ғимараттарға зақым келді. Дүмпудің күштілігі соншалық, ол Критке іргелес арал тұрғындарына да сезілген. Мұнда үш апта бұрын болған қуатты зілзаладан 1 адам қаза тапқан еді.

Ал, Мексиканың Тынық мұхит жағалауына "Памела" дауылы соққы беріп, Синалоа штатында алапат су тасқыны жүрген. Ауа райын бақылаушылардың мәліметінше, дауыл барған сайын күшейіп, Техас жағалауына жетуі мүмкін. Айта кету керек, бұған дейін Мексика "Грейс" және "Олаф" дауылдарынан зардап шегіп, инфрақұрылымға айтарлықтай зақым келді.