Ірі көлемде есірткі сатқан жамбылдық тұрғын ұсталды

Жедел-іздестіру іс-шаралары барысында 59 жастағы тұрғынның облыс аумағында «героин» есірткі затын сатумен айналысып келгені анықталып отыр. Күдікті бұрын да есірткіні заңсыз сақтағаны үшін сотты болған. Оның тұрғылықты жерін тінту барысында жатын бөлмесінен аса ірі көлемдегі 234 грамм героин табылып, тәркіленді. Ұсталған азамат кәнәсін мойындап, уақытша ұстау изоляторына қамалды. Бұл оқиға бойынша қылмыстық іс қозғалып, тергеу амалдары басталды. Күдікті жасаған қылмысы үшін он бес жылға дейін бас бостандығынан айырылуы мүмкін.