Жаңалықтарды Telegram арнамыздан оқыңыз!Ақмола облысында жолдың сапасыздығы үшін 168 лауазымды тұлға әкімшілік жауапкершілікке тартылды. Оның 49-ы жергілікті атқарушы органдардың басшылары, 45-і "ҚазАвтоЖол" компаниясында, 74-і басқа да жол ұйымдарында басшылық қызметте істейтіндер. Облыстық полиция департаменті жол-көлік оқиғаларын алдын алу мақсатында биыл барлығы 2 мыңнан астам тексеріс жүргізіп, құзырлы мекемелерге хат жолдаған. Нәтижесінде полицияның ескертуіне құлақ аспағандар жауапқа тартылды.
Айбек Хасенов, облыстық полиция департаментінің аға инспекторы:
Жолдардағы шұңқырларды жою және белгілерді орнату жөніндегі нұсқамаларды орындамағаны үшін 4 лауазымды тұлға әкімшілік жауапкершілікке тартылды. Олар Егіндікөл ауылының әкімі, Қазақавтожол кәсіпорны Ақмола облыстық филиалы директорының орынбасары, Көкшетау мен Щучинск қалаларының тұрғын-үй-коммуналдық шаруашылығы және автомобиль жолдары бөлімдерінің басшылары.
Ермек Елберген
