Футзалдан Еуропа біріншілігі: Қазақстан жеребе рәсімінде 1-себетте болады

Футзалдан Қазақстан құрамасы ЕУРО-2022 финалдық сатысының жеребе тарту рәсімінде бірінші себетте болады. Бұл туралы UEFA сайты хабарлап отыр. Құрлықтық дода 2022 жылдың 19 қаңтары мен 6 ақпаны аралығында Нидерландының Амстердам және Гронинген қалаларында өткізіледі. Онда барлығы 16 команда бақ сынайды. Қазір құрамалар төрт себетке бөлінген. Алғашқысында Испания, Ресей, Португалия, Қазақстан. Тағы 12 құрама өзге үш себетте. Айта кетейік, жеребе тарту рәсімі 18 қазан күні өтеді. Сол кезде ел құрамасының бір топта кімдермен ойнайтыны белгілі болмақ.  

Досжан Маратұлы