Жаңалықтарды Telegram арнамыздан оқыңыз!Қарағанды облысында кейбір карантиндік шектеулер алынады. Жаңа қаулыға сай жетімдер үйінен бала асырап алмақ ниеті бар ата-аналарға бұл мекемелерге баруға рұқсат етіледі. Алайда олар теріс нәтижелі ПТР тест немесе вакцина паспортын ұсынуы тиіс. Сондай-ақ, Қарағандыда өндірілген «Гам-Ковид-Вак» вакцинасының кезекті партиясы Алматы мен Шымкент қалаларына жөнелтілді. Препараттың бұл партиялары жергілікті фармацевтика кешені мен Гамалея атындағы ғылыми зерттеу институтында сапа бақылауынан өткен, деп хабарлайды зауыттың баспасөз қызметі.
Ал, Нұр-Сұлтанда енді жексенбі күні де қоғамдық көлік жүреді. Бұған дейін сенбі күні автобустар қозғалысына рұқсат берілген. Енді қоғамдық көлік аптаның барлық күні тағы сағат 6-дан кешкі 11-ге дейін жұмыс істейді. Дезинфекция тұрақты жүргізіледі. Дегенмен дәрігерлер автобустарда маска режимін сақтауды ескертеді.
