Атырау облысында есірткі саудалаған ірі қылмыстық топ құрықталды

4 тонна марихуана мен қару –жарақ тәркіленіп, 31 адам құрықталды. Атырау облысында құрамында есірткі бар өсімдіктерді өсірумен айналысқан қылмыстық топтың жолы кесілді. Арнайы операция кезінде үш плантациядан 31 адам ұсталды. Оның 17-сі шетелдік. Арасында қылмыстық топтың ұйымдастырушылары да бар. Олар Батыс Қазақстан облысының аумағында заңсыз әрекеттерін жүзеге асырып отырған. Тінту барысында марихуанамен қоса, 7 қару мен оқ-дәрілер тәркіленді. Сонымен қатар браконьерлік жолмен алынған ақбөкен мүйіздері мен бекіре тұқымдас балықтар табылды.

Жандос Темірғали