QazVac вакцинасы Қырғызстанда ресми түрде тіркелді

Қазақстандық QazVac екпесі Қырғызстанда ресми түрде тіркелді. Бұл туралы денсаулық сақтау министрі Алексей Цой бүгін Фейсбук әлеуметтік желісінде мәлім етті. Ол өз парақшасына QazVac  екпесінің тіркеу куәлігін жариялаған. Естеріңізге сала кетейік, осыдан бір айдай бұрын отандық екпенің 25 мың дозасы Қырғызстанға гуманитарлық көмек ретінде жеткізілген еді. QazVac вакцинасын Білім беру және ғылым министрлігі жанындағы биологиялық қауіпсіздік мәселелері жөніндегі ғылыми-зерттеу институты шығарған болатын.  

Ламбриан Топузидис