Жамбыл облысында карантин тәртібін бұзған әкім сөгіс алды

Мәселен, мына үйдің ауласында құдалық тойға дайындалып жатқаны белгілі болды. Үй иесі қызын ұзатпақшы болып, 80 адамға дастархан жайған. Ал, кешкі сағат тоғыздар шамасында қаладағы үлкен тойханалардың бірінде үйлену тойы өтіп жатқан. Мобильді топ мүшелері тойдың үстінен түсіп, қонақтарды түгел тарқатты. Той ұйымдастырған екі азамат пен мейрамхана қожайынына әкімшілік хаттама толтырылды. Жасырынып той жасаушыларға енді қала билігі қатаң шара қолданылатынын ескертті.

Жамбыл облысында жұртты жиып мерейтойын өткізген шенеунік жазаланды. Сақтық шараларын елемеген Байзақ ауданының әкімі қатаң сөгіс алды. Ол бұған дейін әкімшілік жауапқа тартылып, айыппұл арқалаған болатын.

Айнұр Ақбаева