Елімізде жаңа қаржы пирамидасы анықталды

Абайлаңыз! Елімізде Finiko деп аталатын жаңа қаржы пирамидасы анықталды. Қаржы нарығын реттеу және дамыту агенттігі бұл компанияға ақша салып, алданып қалмауға шақырып отыр. Айтуларынша Finiko клиенттерге ақшасын криптовалютаға инвестициялауға үгіттейді. Сол арқылы табысты 4 айда екі жарым есе арттыруға болатынын айтып алдайды. Оның үстіне қаржылық операциялар банк арқылы емес, интернет төлемдер мен аударымдардың түрлі күмәнді жүйесі арқылы жүргізіледі. Яғни ақшаның қайда кеткенін бақылау қиын. Айта кетейік Ресейде осы Finiko компаниясына қатысты қылмыстық іс қозғалған. Шығын көлемі 80 миллион рубль.

Досжан Маратұлы