Жаңалықтарды Telegram арнамыздан оқыңыз!Шымкентте қаржы пирамидасы жұртты 83 миллион теңгеге алдаған. Қаржы мониторингі агеттігінің хабарлауынша Chia Tai деп аталған компания елімізде былтыр жаздан бері жұмыс істеген. Бірақ заңды тұлға ретінде тіркелмеген. Аңғал жұрттан фармацевтикалық компанияның құрылысына және дәрі-дәрмек өндірісіне деп инвестиция ретінде ақша жинаған. Алайда ақша да дивидент те жоқ. Қазір қаржы пирамидасын құрғандар қамауға алынып, тергеу жүріп жатыр. Айта кетейін, былтыр азаматтардан жалпы көлемі 8 миллиард теңге жинаған 29 қаржы пирамидасы жойылған еді.
Досжан Маратұлы
