Елбасы «Қазақстан темір жолы» ҰК» АҚ басқармасының төрағасын қабылдады

Елбасы Нұрсұлтан Назарбаев «Самұрық-Қазына» ұлттық әл-ауқат қорын басқару жөніндегі кеңестің Төрағасы «Қазақстан темір жолы» ұлттық компаниясы» акционерлік қоғамы басқармасының төрағасы Нұрлан Сауранбаевты қабылдады. Ол Нұрсұлтан Назарбаевқа елдің көлік-логистикалық әлеуетін іске асыру, экспорттық және транзиттік тасымалды ұлғайту, көрсетілетін қызмет сапасын арттыру бағытында компанияның атқарып жатқан шаралары туралы баяндады. Қазақстанның Тұңғыш Президенті тәуелсіздік жылдары еліміздегі инфрақұрылымдық даму нәтижелеріне тоқталып, темір жол желілерін кеңейту саласындағы жетістіктерді атап өтті.

Нұрлан Сауранбаев, «Қазақстан темір жолы» ұлттық компаниясы» АҚ басқармасының төрағасы:
Бүгінгі күні теміржол магистралі ҚТЖ-ның басты активі. Ол 100 пайыз мемлекеттің меншігінде. Қазір темір жолдарымыз жүк тасымалы тұрғысынан экономиканың барлық сұраныстарына сай. Жалпы техникалық жағдайы да қанағаттанарлық деңгейде.

Оңғар Алпысбайұлы