Қызылордада көпқабатты тұрғын үйден өрт шықты - «Qazaqstan» Ұлттық телеарнасы

Қызылордада көпқабатты тұрғын үйден өрт шықты

21.05.2021

Қызылордада түн ортасында көпқабатты тұрғын үйден өрт шықты. Жалын екінші қабаттағы пәтерде тұтанған. Ең бірінші көмекке патрульдік полиция инспекторлары жеткен. Сақшылар пәтердің есігін бұзып, түтінге тұншыққан 54 жастағы әйелді сыртқа алып шыққан. Өрт сөндірушілерді күтпей, шұғыл әрекет еткен полицейлер осылайша бір адамды өлімнен құтқарды. Оқыс жағдай кезінде бір подъездің тұрғындары түгел эвакуацияланды. Артынша тілсіз жауды өрт сөндірушілер сөндірді. Қазір өрттің шығу себебі анықталып жатыр.

Әділбек Серікұлы


Хабарламаларға жазылу