Үндістанда коронавирус жұқтырғандар 25 миллионнан асты

Үндістанда коронавирус жұқтырғандар 25 миллионнан асты. Дегенмен, өткен тәулікте бұл ауруға 263 мыңдай адам шалдығып, «ковид» диагнозы қойылғандардың күндік саны өткен аптамен салыстырғанда айтарлықтай азайған. Бірақ құрбандар көбейіп келеді. Соңғы 24 сағатта осы індеттен Үндістанда 4300-ден астам адам жан тәсілім еткен.

Үкіметтің мәлімдеуінше, елдің 1,3 миллиард тұрғынының 98 пайызы коронавирустан қорғалмаған. Ал, АҚШ-тағы Джонс Хопкинс университетінің соңғы дерегінше, әлемде коронавирус жұқтырғандар бүгін 164 миллион 200 мыңнан асып, 3 миллион 400 мыңға жуығы қайтыс болды.

Арыстан Рысбек