Норвегиялық басылым QazVac туралы ауқымды мақала жариялады

Норвегиялық steigan.no басылымы қазақстандық QazVac вакцинасы туралы ауқымды мақала жариялады. Олар бізде өндірілген екпенің ерекшеліктеріне тоқталған. «Бастысы, бұл вакцинаны сақтау температурасы. Қарапайым тоңазытқышта 1 жылға дейін бұзылмай тұра береді. Бұл кедей елдер үшін аса маңызды», - деп жазған басылым.

«Біз үшін ең таңқаларлығы, Қазақстанның екпе ойлап тапқанында емес, оны шын вирустың негізінде жасап шыққаны. Біздің білуімізше фармацевтикалық алыптар вакцинаны вирустан емес оның компьютерлік моделінен жасаған. Ал QazVac тәжірибелік элементтері жоқ, дәстүрлі екпе болып шықты». - деп жазған steigan.no тілшісі.

Оңғар Алпысбай