Жаңалықтарды Telegram арнамыздан оқыңыз!Ақмола облысындағы Жолымбет кен орнынан алтын ұрлағандар анықталды. Қолды болған алтынның құны - 122 миллион теңге. Қылмыс 2 наурызда болған. Іздеу-тергеу шаралары 1 айға жалғасты. 300-ге жуық адамнан жауап алынған. Нәтижесінде Жолымбет ауылының 26 және 34 жасар екі тұрғыны ұрлыққа қатысы бар деген күдікке ілінді. Екеуі де осы уақытқа дейін сотталмаған. Олардың қылмысты жарты жыл бойы жоспарлағаны анықталды.
Ерлан Қасым, Ақмола облыстық полиция департаменті бастығының орынбасары:
Бейнебақылау камераларындағы жазбаларға сараптама жасалды. Нәтижесінде кәсіпорынның 2 жұмысшысы күдікке ілінді. Олар өз кінәларын мойындады. Ұрланған алтын 1 күдіктінің туысының үйінде табылды. Қазіргі уақытта екеуі де үй қамаққа алынды.
Ермек Елберген
