Қазақстандықтар пандемия басталғалы онлайн саудаға 600 млрд теңге жұмсаған

Ел азаматтары пандемия басталғалы бір жылда 600 миллиард теңгесін онлайн саудаға жұмсаған. Тауарға үйден тапсырыс беру қызметіне жүгінушілер саны бір жарым есе өсіп отыр. Яғни алдыңғы жылдармен салыстырғанда онлайн шопинг жасағандар 82 пайызға көп. Әрі тапсырыс берілетін тауарлардың орташа бағасы да 50 процентке, яғни 23 мың теңгеге дейін көбейген. Сарапшылар бұл жұрттың онлайн дүкендерге сенімінің артқанын білдіреді дейді. Ал жүз тапсырыстың 88-і смартфон арқылы жасалған.

Досжан Маратұлы