Жаңалықтарды Telegram арнамыздан оқыңыз!Армениядан әкелінген көліктерді Қазақстанда тіркеу мерзімі тағы 1 жылға ұзартылды. Бұған дейін Арменияда тіркелген көліктерге 1 наурызға дейін сары нөмір тағу міндеттелген болатын. Қазіргі уақытта 20 мыңнан астам автомобиль есепке қойылды. Ал, 1 мыңнан астам көлік талаптарға сай келмегендіктен тіркеуге алынбады. Олардың себептерін ескере келе үкімет армян нөмірін таққандарға тағы 1 жыл уақыт берді.
Серік Түсіпов, ҚР ІІМ Әкімшілік полиция комитеті төрағасының орынбасары:Пандемия кезінде шекаралар жабылып көптеген тұрғын көліктерін Арменияға кері қайтара алмай қалды. Ал рөлі оңнан солға ауыстырылған көліктерді сынақтан өткізу үшін зертханалар да жұмыс істемеген. Тіпті кей автокөлік иелері темір тұлпарларын ломбардтарға, микрокредиттік ұйымдарға кепілге қойып тастаған. Осыларда ескере келі көліктерді тіркеу мерзімі 2022 жылдың 1 наурызына дейін ұзартылды.
Оңғар Алпысбайұлы
