АҚШ Ресейге қарсы жаңа санкция әзірлеп жатыр

АҚШ Ресейге қарсы жаңа санкция әзірлеп жатыр. Ол турасында Вашингтон жақын апталарда жарияламақ. Мұны Ақ үйдің баспасөз хатшысы Дженнифер Псаки мәлімдеді.

«Осы бағытта жұмыс істеп жатырмыз. Санкция жайында таяу айларда емес, апталарда хабарлаймыз», - дейді ол. 

Құрама Штаттар Мәскеуді ауқымды хакерлік шабуылдар мен оппозициялық саясаткер Алексей Навальныйдың улануына байланысты жазалауға ниетті. Алайда, Ресей өзіне тағылған кінәларды жоққа шығарып, Американы елдің ішкі істеріне араласты деп айыптап отыр.

Арыстан Рысбек