Жаңалықтарды Telegram арнамыздан оқыңыз!Енді Қазақстанда кәсіпкерлерге мобильді қосымшалар арқылы аударылатын ақшаға салық салынады. Бұл туралы Премьер-Министрдің бірінші орынбасары Әлихан Смайылов айтты.
«Кәсіпкерлерге тұтынушылардан мобильді қосымшалар арқылы түсетін ақша аударымдарын фискализациялау мәселесіне назар аудару қажет. Қазір қолма-қол ақшасыз төлем жүйесі жақсы қарқынмен дамып жатыр. Бірақ біздің алдымызда салық төлеуі тиіс кәсіпкерлердің қызметіне толығымен салық салу міндеті тұр», - деді ол Қаржы министрлігінің алқа отырысында.
Осы орайда вице-премьер қазіргі таңда қазақстандық кәсіпкерлерге берілген салық жеңілдіктері ескерілуі тиіс екенін атап өтті.
