Әлемде коронавирус жұқтыру оқиғалары азайып келеді

Осы айдың бірінші аптасында әлемде коронавирус жұқтырғандар 17 пайызға азайды. Және де осы аурудан қайтыс болғандар 10 пайызға кеміген. Мұны Дүниежүзілік денсаулық сақтау ұйымының мамандары хабарлап отыр. 

«Төрт апта қатарынан жаңа жұқтыру оқиғаларының саны төмендеп келеді»,- дейді осы орган таратқан мәлімдемеде. 

COVID-19-ға шалдыққандар қатары, әсіресе, Оңтүстік және Солтүстік Америкада, Африкада, Еуропада азайып отыр. Қазір пандемияны вакцинамен жеңуге үміт бар. Бірақ, 130-ға жуық елде бірде-бір тұрғынға сол екпе  әлі салынбаған.  Бұл 2 жарым миллиард адамға вакцина егілмеді деген сөз.

Арыстан Рысбек