Жаңалықтарды Telegram арнамыздан оқыңыз!Осы жылы бюджет саласындағы 1 миллионнан астам жұмыскердің жалақысы өседі. Бұл туралы Премьер-Министр Асқар Мамин Үкіметтің кеңейтілген отырысында мәлімдеді.
«Үкімет биыл халықтың жұмыспен қамтылуы мен табысын арттыру мақсатында міндеттер кешенін айқындады. 1,3 млн адам жұмыспен қамтудың әртүрлі шараларымен қамтылады, бұл жұмыссыздық деңгейін 4,9 пайызға дейін төмендетеді.
Жұмыспен қамтудың жол картасын іске асыру жалғасады, бұл ретте тұрақты жұмыс орындарын құруға баса мән беріледі. Еңбек нарығын дамытудың 2022-2027 жылдарға арналған ұлттық жоспар әзірленеді. Осы жылы бюджет саласындағы 1 миллионнан астам жұмыскердің жалақысы өседі», - деді Үкімет басшысы.
