Жаңалықтарды Telegram арнамыздан оқыңыз!Қызылордада құрамында зиянды бактерия бар 700 келіге жуық тауық еті жойылды. Сатылымға шығарылған құс өнімі Ресейден әкелінген. Жалпы, облыстық санитарлық-эпидемиологиялық бақылау департаменті жыл басынан бері 1851 сынаманы сараптамаға жіберген. Нәтижесінде халық көп тұтынатын ет өнімдері мен кондитерлік тағамдар талапқа сай болмай шыққан.
Айман Жанахаева, облыстық Санитарлық-эпидемиологиялық бақылау департаментінің баспасөз хатшысы:Нақтырақ айтсақ, Ресейде өндірілген өнім. Құрамында протеус және сальмонелла бактериялары анықталып отыр. Негізі бұл бактериялар аталған өнім құрамында мүлдем болмауы тиіс. Анықталған сәйкессіздік бойынша 32 сауда объектісіне халықтың санитариялық-эпидемиологиялық саламаттылығын сақтаудағы заңнамаға сәйкес, заңбұзушылықты жою жөнінде нұсқама берілді.
Әділбек Серікұлы
