Өзбекстан азаматы Нұр-Сұлтанда қыз-келіншектерді тонап келген

Елордада 18 жастағы қызды тонамақ болған 60 жастағы ер адам ұсталды. Оқиға кеше түнгі 22:00-де болған. 

Күдікті қыздың ұялы телефонын тартып алғысы келген. Бірақ көмек сұрап айғайлаған дауыстан бойжеткенді тонай алмай, қашып кеткен. Жедел-іздестіру арқылы ол көп ұзамай ұсталды. Тергеу кезінде осыған дейін де екі әйелді тонағаны анықталды. Олардан тартып алған ноутбук және жеке заттары салынған сөмкені  көміп тастаған екен. Қылмысын мойындап, қазір уақытша ұстау изоляторына қамалды. Оның Өзбекстан азаматы екені белгілі болды.

Амангелді Сейітхан