Анкара мен Мәскеу Таулы Қарабақтағы ымыраны бірге бақыламақ

Түркия мен Ресей Таулы Қарабақта бейбіт келісімнің орындалуын бірге бақылау үшін орталық құрып жатыр. Бұл туралы құжатқа түріктің қорғаныс министрі Хұлұси Акар мен оның ресейлік әріптесі Сергей Шойгу қол қойды. Дегенмен Анкара ымыраны қадағалауға жауынгер емес, бақылаушыларын ғана аттандырмақ. Ал Ресей Қарабаққа жүздеген жауынгерлерін шоғырландырып жатыр. 

Айта кетсек, Әзірбайжан мен Армения сейсенбі күні соғысты тоқтатты. Жаңа келісім бойынша, Таулы Қарабақтың басым бөлігі Бакудың қарамағына қайтарылды. Ол территорияларға енді Әзірбайжан заңдары енгізіліп жатыр.

Арыстан Рысбек