Жаңалықтарды Telegram арнамыздан оқыңыз!Қазақстанда ПТР-тест пен маска бағасы екі есе арзандады. Енді бір реттік медициналық бетперделер орта есеппен 26 теңге тұрады. Бұл туралы Бәсекелестікті қорғау және дамыту агенттігінің баспасөз қызметі хабарлады.
Агенттік президенттің тапсырмасымен зертханалық қызметтер мен жеке қорғаныш құралдарының бағалық саясатына мониторинг жүргізген.
«Нәтижесінде нарықтағы 36 субъектіге ашық сауда-өткізу саясатын көздейтін монополияға қарсы комплаенс жасау арқылы ПТР-тест бағасы 18 000-нан 9 000 теңгеге дейін арзандады («Олимп «КДЛ» ЖШС және «Инвиво» ЖШС 9 мың теңгеден аспайтын бағаларды белгіледі, «Сұңқар» ЖШС және «Әйгерім» ЖШС жекелеген зертханалары бағаларды тиісінше 6 000 және 7 000 теңгеге дейін төмендетті).
Медициналық маска бойынша өндірушілер бағасы орта есеппен бір данасына 21 теңгеге дейін, дистрибьюторлар мен бөлшек сауда желілерінің үстеме бағасы 20 теңгеден 3 теңгеге дейін арзандады, яғни бір бетперденің бағасы орта есеппен 60 теңгеден 26 теңгеге түсті», - делінген хабарламада.
