Қазақстанда 10 мұнай-газ учаскесі онлайн-аукцион арқылы сатылады

Биыл карантинге байланысты елде 10 мұнай-газ учаскесі онлайн-аукцион арқылы сатылады. Бұл учаскелер Сарайшық, Үштаған, Қошалақ, Бестерек, Сағыз, Қарабауда және 4 аймақта орналасқан. Олардың жалпы ауданы 29 мың шаршы км. 

Аукционға қатысу үшін 277 мың теңгеден аса жарна төлейсіз. Электрондық сауда-саттық 23 желтоқсанда өтеді. Жеңімпаздар зерттелмеген аумақта 1-2 ұңғыма қазуға және мұнай қоры бар жерлерде өндіру көлемін арттыруға міндетті. Әзірге қатысуға 30-дан астам өтініш түсті. 

Қайырхан Тұтқышбаев, ҚР Энергетика министрлігі жер қойнауын пайдалану департаментінің директоры: 
-Аукцион мемлекеттік реестр порталы арқылы жүзеге асырылатын болады. Заңнамаға сәйкес, барлау және өндіруге арналған келісім шарттар 6 жылға дейін беріледі. Ал өндіруге арналған келісімшарттар 25 жылға дейін беріледі.

Ақерке Бектас