Жаңалықтарды Telegram арнамыздан оқыңыз!Салық кодексін қарапайым халыққа түсінікті тілде қайта жазу керек. Мәжіліс депутаты Нұржан Әлтаев, кәсіпкерлердің салықтық жүктемесін жеңілдету бойынша Президенттің бастамасына қатысты пікір білдірді.
Депутаттың сөзінше, салықтың кей түрлерін біріктіріп, санын азайтуға болар еді. «Бұл төлем көлемін кемітумен байланысты болмауы да мүмкін», - дейді ол. Себебі Қазақстандағы салық мөлшері көрші мемлекеттермен салыстырғанда едәуір төмен. Басты проблема - қазіргі салық есептеу тәртібі қарапайым кәсіпкер үшін тым күрделі.
Нұржан Әлтаев, ҚР Парламенті Мәжілісінің депутаты:
- Өзінің шағын ғана бизнесі болса да, 2-3 бухгалтері болуы керек. Өйткені оны бір адам түсіне алмайды.
Азамат Алдоңғар
